01 фев 14:29
Янгиликлар

Каратэ

Ўсмирлар Олимпиадаси совриндори Миллий терма жамоага аъзо бўлди

“Универсал” спорт саройида спортнинг каратэ WKF тури бўйича Ўзбекистон терма жамоаси асосий таркиби учун селекция ўтказилди.

Унда терма жамоанинг асосий таркибига даъвогар бўлган 12 нафар йигитлар ва 10 нафар қизлар ўртасида саралаш баҳслари бўлиб ўтди. Муросасиз қарама-қаршиликлар, кескин спарринг жанглардан сўнг 2 нафар каратэчини мураббийлар штаби саралаб олишди.

Якуний натижага кўра эркаклар жамоаси учун кўплаб халқаро мусобақалар ғолиби Абдулазиз Атабаев (-84 кг), аёллар терма жамоасига 2018 йил Аргентинада ўтган ўсмирлар Олимпиадаси совриндори Дилдора Алиқулова (-68 кг) номзоди муносиб деб топилди. Эндиликда ҳар икки спортчимиз ҳам Токио Олимпиадасига йўлланма берувчи лицензион мусобақларда юртимиз шарафини ҳимоя қилиб боришади.