02 окт 10:35
Янгиликлар

Дзюдо

Ўсмирлар ўртасида Бухоро вилояти чемпионати ўтказилди + ФОТО

Бухорода 2007-2008 йилларда туғилган ўсмир ва қизлар ўртасида ташкил этилган вилоят чемпионати ўз ғолибларини аниқлади.

Мусобақада жами 363 нафар (329 нафар ўғил, 34 қиз) спортчи ўқувчилар иштирок этишди. Муросасиз баҳсларга бой бўлган вилоят биринчилиги якунида барча вазн тоифаларида кучлилар сараланди. Ғолиб ва совриндорлар ушбу мусобақанинг Республика финал босқичига йўлланма олдилар.

Тақдирлаш маросимида Бухоро вилоят дзюдо федерацияси раиси Шуҳрат Очилов барча ғолиб ва совриндор дзюдочиларга Қашқадарё вилоятида ўтказиладиган ўсмирлар ўртасидаги Ўзбекистон чемпионатида ҳам омад тилади.