Ўсмирлар ўртасидаги Осиё ўйинлари учун ёш тоифалари эълон қилинди

Мусобақада 24 та спорт тури бўйича беллашувлар ўтказилади. Комплекс турнирда қитъамизнинг 45 мамлакати иштирок этиш истагини билдирган.

Ташкилотчиларнинг маълум қилишича, турнирда 14-18 ёшли атлетлар баҳс олиб боришади. Енгил атлетика ва таэквондо WT баҳсларида ёш тоифалари 15-16, волейбол, стол тенниси ва баскетболда 14-16, дзюдода 16, спорт курашларида эса 15-17 ёшли спортчилар қатнашиши белгиланган.