12 дек 18:02
Янгиликлар
Қишки спорт турлари
Ўсмирлар ўртасидаги қишки Олимпиада тарихида илк бор ўзбекистонлик рефери ишлайди
2024 йилнинг 19 январидан 1 февралга қадар Корея Республикасининг Кангвон шаҳрида ўсмирлар ўртасидаги IV қишки Олимпия ўйинлари ўтказилади.
15 та спорт тури доирасида ўтказиладиган баҳсларга ҳозирча ўзбекистонлик ёш спортчилар йўлланмага эга чиқишмади.
Аммо аҳамиятлиси, ўзбекистонлик хоккей рефериси Давид Прокофьев Кангвон-2024 ўсмирлар ўртасидаги қишки Олимпия ўйинларида ҳакамлик қилиш учун таклиф этилди. Ҳамюртимиз мусобақада 3x3 ва 5x5 тоифаларида чизиқ ҳаками сифатида ишлайди.
Аввалроқ, МОҚ матбуот хизмати ўзбекистонлик ёш тоғ чанғиси усталари ушбу Олимпиада ўйинлари учун йўлланма олиш мақсадида Италияда машғулот олиб бораётгани ҳақида хабар берган эди.
Ҳавола :
Манба : ice-hockey.uz
Фикрлар