05 мар 10:07
Янгиликлар

Дзюдо

Ўсмирларимиз Cadet European Cup 2026 турнирига йўл олишди

Теглар : Millennium Team Cadet European Cup 2026

7-8 март кунлари Туркиянинг Анталия шаҳрида кадетлар ўртасида Millennium Team Cadet European Cup 2026 турнири бўлиб ўтади.

Мусобақада дунёнинг 4 қитъаси 22 давлатидан келадиган жамоалар медаллар йўлида баҳсларга киришади. Ўзбекистон ўсмирлар терма жамоаси ҳам тўлиқ таркибда Туркияга йўл олди.

Сафар олдидан Ўзбекистон дзюдо федерацияси раиси Азизжон Камилов терма жамоамиз аъзолари билан учрашди. IJF тақвимидан ўрин олган ушбу илк мусобақа билан кадетларимизнинг 2026 йилги халқаро майдондаги иштироки бошланади.

Учрашувда бу йилги муҳим мусобақалар, жумладан Осиё ва жаҳон чемпионатларида муваффақиятли иштирок этиш, бунинг учун ҳар бир вазн тоифасида кучли рақобат муҳити бўлиши таъкидланди.