25 июл 14:19
Янгиликлар

От Спорти

От спорти: ёш чавандозимиз Россиядаги мусобақада ғолиб бўлди

Россия Федерацияси пойтахти Москва шаҳридаги “Махима Парк” от спорти клубида конкур бўйича ЕвроОсиё лигаси баҳслари бўлиб ўтди.

Эътиборлиси, болалар ўртасидаги мусобақада ҳамюртларимиз ҳам муносиб иштирок этишди. 120 см баландликдаги тўсиқлардан сакраш баҳсларида ёш чавандозимиз Бобуржон Валижонов “Самира” лақабли отда ғолибликни қўлга киритди. 2-ўрин — Валерия Алискинга, 3-ўрин Ксениа Алтушкинага насиб этди. 4-ўринни яна бир ҳамюртимиз Дилшод Шокиров эгаллади.

Аввалроқ, “Махима Парк” от спорти клубида ўтказилган мусобақада Дилшод Шокиров 2 фазали 110 см баландликдаги тўсиқлардан сакраш баҳсларида 1-ўринни, Бобуржон Валижонов эса баландлиги 115 см бўлган (икки даврада) тўсиқлардан сакраш баҳсларда кумуш медални қўлга киритган эди.