UZ

Сўнгги янгиликлар

11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0 20:05Хоригучи Асу Алмабаевга қарши жанг олдидан ўз устунликларини санаб ўтди 0 19:30Футболчи ҳакамга тош отгани учун 8 йилга дисквалификация қилинди 0 18:47Асламжон Ортиқовнинг Асадулла Имангазалиевга қарши реванш жанги тўлиқ давом этди 0 18:12Олимпия ўйинларида эркаклар боксига ҳимоя шлемлари қайтарилиши мумкин 0 17:05Илия Топурияга UFC'да вазн тоифасини ўзгартириш таклиф қилинди 0 16:16Баходир Жалолов Деонтей Уайлдерга рақиб сифатида таклиф қилинди 0 15:29Бугун "Нефтчи" Суперлигада чемпион бўлиши мумкин 0 14:45Руслан Абдуллаев эртанги жанги олдидан медиа тадбирларда иштирок этди 0 13:26UFC Рамазон Темировни яна допинг текширувидан ўтказди 0

28 мар 07:47
Янгиликлар

Енгил атлетика

Отабек Умаров ҳам стартга чиққан IV Тошкент халқаро марафонидан ФОТОРЕПОРТАЖ

Пойтахтимизда анъанавий тарзда ўтказиб келинаётган “Наврўз” Халқаро марафонининг IV пойгаси ва Шанхай ҳамкорлик ярим марафони ўтказилди.

ШҲТ халқаро ярим марафони даражасидаги нуфузли мусобақа юртимизда илк бор ташкил этилиши. Ушбу марафон AIMS халқаро тузилмасининг «А» таснифидаги сертификациясига эга. 

Бу ШҲТ ярим марафонида қатнашадиган профессионал спортчиларнинг иштироки, марафон трассаси, унинг ўтиш жараёни ва натижалари халқаро экспертлар томонидан баҳолаб борилишини англатади. Мазкур нуфузли мусобақани Халқаро енгил атлетика федерацияси ҳамда AIMSнинг техник экспертлари Иля Михайловский ва Адрианус Стевенслар баҳолаб боришди.

Марафон баҳсларида турли йўналишларда қатнашиш учун жами 2 200 нафардан зиёд киши рўйхатда ўтган эди. Бугун эса улар сафига рўйхатдан ўтолмаган, аммо югуришга иштиёқманд кўплаб инсонлар ҳам қўшилди ва умумий ҳисобда ушбу халқаро марафонда 2 ярим минг нафардан зиёд инсонлар қатнашди.

Тўртинчи бор ўтказилган марафон нафақат ҳамшаҳарларимиз, балки халқаро мутахассисларнинг ҳам эътирофига сазовор бўлди. Буни маросимнинг очилиш қисмида сўзга чиққан Спортни ривожлантириш вазири Адҳам Икрамов, МОҚ Бош котиби Ойбек Касимов алоҳида таъкидлашди. 

Мутасаддилар ўз сўзлари давомида мамлакатимизда Президентимиз томонидан ҳамюртларимиз орасида оммавий спортни тарғиб қилиш борасида олиб борилаётган ўзгаришлар, югуришнинг инсон саломатлигига ижобий таъсири ҳақида алоҳида тўхталишди.

Бу йилги марафонга Осиё Олимпия кенгаши вице-президенти Отабек Умаров фахрий меҳмон сифатида ташриф буюрди. Шунингдек, тадбирда Спортни ривожлантириш вазирининг ўринбосари Шаҳрулло Маҳмудов, МОҚ раиси ўринбосарлари Равшан Ирматов, Азизжон Камилов, Шезрод Ташматов, Миллий Паралимпия қўмитаси раиси Мухторхон Ташходжаев, Ўзбекистон енгил атлетика федерацияси раҳбарияти, юзлаб спортсевар ҳамюртларимиз иштирок этишди. 

Мусобақада Қозоғистон, Қирғизистон, Тожикистон, Покистондан келган спортчилар ҳамюртларимиз билан рақобат олиб боришди. Пойганинг старт ва финиш нуқтаси доимгидек “Ҳумо арена” муз саройи олдидаги Бешёғоч майдони этиб белгиланди.

Регламентга кўра, мусобақа доирасида 3 км, 10 км, 21 км, классик марафон ва экиден (эстафета) пойгалари ўтказилди. Бу йилги марафон ғолиб ва совриндорларига мос равишда 30-20-10 миллион сўмдан мукофот ажратилган. Қолаверса, бошқа йўналишлардаги совриндорлар ҳам белгиланган миқдордаги мукофотларга сазовор бўлишди.

Ўз йўналишида ғалаба қозонган спортчилар:

3 км, эркаклар:
1. Ҳасан Мирсоатов – 9:07.12
2. Виктор Цуренко – 9:15.07
3. Диёрбек Аҳмедов – 9:17.17

3 км, аёллар:
1. Шоҳсанам Хуррамова – 10:18.5
2. Ойзира Журакова – 10:40.5
3. Дарья Антропова – 10:49.3

10 км, эркаклар:
1. Бекзод Бойматов – 35:03
2. Отабек Файзуллаев – 35:47
3. Азизбек Касимов – 36:26

10 км, аёллар:
1. Дилноза Усмонова – 43:29
2. Гўзал Муҳаммадалиева – 44:22
3. Фарида Тўлқунбекова – 44:53

21 км, эркаклар:
1. Нурсултон Кенешбеков (Қирғизистон) – 1:04.28
2. Шоҳруҳ Давлатов (Ўзбекистон) – 1:04.40
3. Отабек Тошқувватов (Ўзбекистон) – 1:07.58

21 км, аёллар:
1. Азиза Мирзаакбарова (Ўзбекистон) 1:15.20
2. Мария Коробицкая (Қирғизистон) – 1:16.47
3. Ситора Қурбонова (Ўзбекистон) – 1:24.43

Марафон (42 км, 195 м), эркаклар:
1. Илья Тяпкин (Қирғизистон) – 2:21.42
2. Закирилло Маматқулов (Ўзбекистон) – 2:22.05
3. Владислав Мамедов (Ўзбекистон) – 2:23.18

Марафон, аёллар:
1. Гулшаной Сатторова (Қирғизистон) – 2:34.50
2. Екатерина Тунгускова (Ўзбекистон) – 2:29.28
3. Тамила Қўчқорова (Ўзбекистон) – 3:11.23

Тақдирлаш маросимида Ўзбекистон Республикаси Президенти ҳузуридаги хавфсизлик кенгаши котиби, Ўзбекистон триатлон федерацияси раиси Виктор Маҳмудов, UFC жангчиси Маҳмуд Муродов, Токио-2020 Олимпиадаси чемпионлари Баҳодир Жалолов ҳамда Улуғбек Рашитов ҳам иштирок этиб, совриндорларга эсдалик совғалари ва пул мукофотларини топширишди.

Суратлар муаллифи - Алимурод МАМАДАМИНОВ, ўз мухбиримиз

Рейтинг:    

Фикрлар

   
28 мар 14:49:51
Abduhayid Kamalov
Киргизлар кокиб кетибдику
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг