Отабек Умаровни табриклаймиз!

Отабек Муҳаммадалиевич Умаров 1984 йил 15 май куни туғилган. Узоқ вақтдан бери ўзбек спорти ривожига ҳисса қўшиб келяпти. Жумладан, Ўзбекистон триатлон федерацияси раиси, ММА ассоциацияси асосчиси ва биринчи раҳбари сифатида ушбу спорт турлари, хусусан, оммавий спорт тарғиботини янги босқичга олиб чиқди.

Отабек Умаров 2020 йил Осиё Олимпия кенгаши Бош Ассамблеясида ташкилотнинг вице-президенти этиб сайланган. Унинг мазкур лавозимга сайланиши пойтахтимизнинг 2025 йил ёшлар Осиё ўйинларини қабул қилиши билан боғлиқ. Ҳозирда Отабек Умаров ООК вице-президенти сифатида Янги Ўзбекистоннинг салоҳиятини бутун дунёга кўрсатишда, мамлакатимиз ва Марказий Осиёда Олимпия ҳаракати тарғиботининг янада кучайишида жонбозлик кўрсатмоқда. 

Фурсатдан фойдаланиб, Отабек Умаровни таваллуд айёми билан самимий табриклаб, унга узоқ умр ва сиҳат-саломатлик тилаймиз.