Отабек Холматов иштирокидаги жанг The Ring талқини бўйича 2024 йилнинг энг яхши жанги деб топилди (Барча номинациялар ғолиблари)

Эътиборлиси, ярим енгил вазн тоифасидаги боксчимиз Отабек Холматовнинг WBA камари учун америкалик Раймонд Фордга қарши ўтказган баҳси йилнинг энг яхши жанги номинациясида ғолиб бўлди.

Ёдингизда бўлса, ўша жангда Форд ҳамюртимизни 12-раунднинг сўнгги сонияларида техник нокаут эвазига мағлуб этганди. Алам қиладиган ҳолат шундаки, рефери томонидан жанг тўхтатилгунига қадар Холматов очколар ҳисобига кўра олдинда бораётганди.

Лондонда (Буюк Британия) ташкил этилган тадбирда супер ярим ўрта вазн тоифасида WBA собиқ чемпиони Исроил Мадримов ҳам иштирок этди. Унинг Теренс Кроуфордга қарши жанги йилнинг энг яхши оқшоми номинациясига киритилганди.

Барча номинациялар ғолиблари:

Йилнинг энг яхши эркак жангчиси: Александр Усик 

Йилнинг энг яхши аёл жангчиси: Габриела Фундора

Йил жанги: Раймонд Форд ва Отабек Холматов жанги 

Йил оқшоми: Александр Усик ва Тайсон Фюри 1 жанг оқшоми 

Йил мураббийи: Роберт Гарсия 

Йилнинг энг истиқболли боксчиси: Мосес Итаума 

Йил раунди: Усик ва Фьюри 1-жанги 9-раунди

Йил апсети (кутилмаган воқелик): Бруно Сурачнинг Ҳайме Мунгия устидан ғалабаси

Йил қайтиши: Билли Диб 

Йил нокаути: Даниэль Дюбуа томонидан Жошуанинг нокаути

Ҳаёт фаолиятидаги ютуқлар учун: Дон Кинг.