Отабек Холматов жарроҳлик амалиётидан кейин илк бор фикр билдирди

Ҳамюртимиз шу йил америкалик Раймонд Фордга қарши WBA чемпионлик камари учун кечган жангда аламли мағлубиятни қабул қилиб олганди. Сўнгги 12-раунд якунланишига 7 сония қолган бир пайтда Форд чарм қўлқоп устамизни техник нокаутга учратган эди. 

Холматов жарроҳлик амалиётидан кейин илк бор фикр билдирди.

"Ҳаммага ассалому алайкум, ватандошларим, дўстларим. Тиззамдаги жароҳатим муваффақиятли операция қилинганини сизларга мамнуният билан етказишдан хурсандман. Чемпионлик жангининг бошида тиззамдан жароҳат олдим. Жанг давом этар экан, жароҳатим оёғимдаги ҳар бир ҳаракат билан ёмонлашиб борди. Мен ҳар бир раундда оёғимдаги куч ва таянчни йўқотаётганимни ҳис қилдим, то 12-раундгача тиззам тўлиқ ёрилиб кетмагунча. Оёқларим менга қулоқ солмай қўйди. Жангдан кейин шифокор ташхис қўйиб, тиззамнинг пай қисми тўлиқ йиртилиши, латерал ва медиал мениск. Натижадан рандидим. Лекин ғалаба ва мағлубият Аллоҳдан! Менга берилган тажриба ҳамда синов учун Яратганга шукур. Мени профессионал шифокорлар операция қилишди. Қўллаб-қувватлаган инсонларга раҳмат айтаман. Имкон қадар тезроқ тикланиб, рингга кучли бўлиб қайтишга ҳаракат қиламан. Қайтганимдан кейин чемпионлик камари кимда бўлса ҳам, уни тортиб олиш учун астойдил курашишга ваъда бераман", - деди Холматов.