19 апр 12:25
Янгиликлар

Бокс/ММА

Отабек Холматов муваффақиятли операция қилинди + ФОТО

WBA камари учун собиқ даъвогар, ярим енгил вазн тоифасидаги профессионал боксчимиз Отабек Холматов жарроҳлик столига ётди.

Ҳамюртимиз шу йил америкалик Раймонд Фордга қарши WBA чемпионлик камари учун кечган жангда аламли мағлубиятни қабул қилиб олганди. Сўнгги 12-раунд якунланишига 7 сония қолган бир пайтда Форд чарм қўлқоп устамизни техник нокаутга учратган эди.

Ўша жангдан кейин боксчимиз оёғидаги жароҳат ҳақида хабар берган эди. Ҳаваскор бокс бўйича терма жамоамиз бош мураббийи Тўлқин Қиличев ҳам ўшанда Отабек Холматов билан боғланиб, жарроҳлик амалиётини ўзимиз ўтказиб берамиз, тушкунликка тушма, ҳали 4 та камар учун жанг қиласан деганди.