03 апр 10:53
Янгиликлар

Бокс/ММА

Отабек Холматов вазнида янги WBO чемпиони аниқланди

Теглар : Отабек Холматов Робейси Рамирес

АҚШнинг Талса шаҳрида Top Rank промоутерлик компанияси томонидан навбатдаги профессионал бокс кечаси ташкил этилди.

Оқшомнинг марказий жанги ярименгил вазн (57,2 кг) тоифасида вакант бўлиб турган WBO чемпионлик камари учун кечди. Унда иккинчи енгил вазн (55,3 кг)да собиқ жаҳон чемпиони британиялик Айзек Догбо (24-2, 15 KO) кубалик Робейси Рамирес (11-1, 7 KO)га қарши рингга кўтарилди.

Ўн икки раундлик жанг тўлиқ давом этди ва якунда ҳакамлар Рамиреснинг якдил (118-109, 119-108, 117-110) ғалабасини эътироф этишди. 29 ёшли Робейси Рамирес икки карра (Лондон-2012 ва Рио-2016) Олимпиада чемпиони ҳисобланади.

Эслатиб ўтамиз, ҳамюртимиз Отабек Холматов ярименгил вазнда WBA чемпионлик камари учун мажбурий ва расмий даъвогар ҳисобланади. WBA ташкилоти унинг Маурисио Лара билан жанг қилишини расман тасдиқлаган.