Отабек Холматовнинг жанги учун аукционда "Top Rank" ғолиб бўлди, боксчимиз Усик-Фьюри оқшомида рингга кўтарилиши мумкин

Ушбу жангни ташкил этиш ҳуқуқи учун промоутерлик савдоси ўз якунига етди. 

Унга кўра, "Top Rank" промоутерлик компанияси ушбу жангни ташкил қилиш ҳуқуқини қўлга киритди. Компания 317 500 доллар эвазига аукционда ғолиб бўлди. 

Мазкур савдода Форд фаолият олиб борадиган "Matchroom" компанияси 255 555 долларлик таклиф билан иштирок этганди. Аммо якунда, "Top Rank" ғолиб бўлди. 

Гонорарлар боксчиларга 50/50 кўринишида тақсимланади.

Жангни ташкил этиш учун учта сана кўриб чиқилмоқда: 

Верона - 2 март

Нью-Йорк - 16 февраль

Ар Риёд - 17 февраль.

Маълумот учун, 17 февраль куни Ар Риёдда ўтказиладиган оқшомнинг марказий жангида Тайсон Фьюри ва Александр Усик супероғир вазннинг мутлақ чемпионлиги учун жанг қилади.