24 апр 14:15
Янгиликлар

Теннис

Ўтган ҳафта Шимкентда чемпион бўлган Фомин илк даврадаёқ 1167-ракеткага ютқазди

Қозоғистоннинг Шимкент шаҳрида теннис бўйича М15 тоифасига кирувчи турнир бўлиб ўтмоқда.

Мукофот жамғармаси 15 минг АҚШ долларини ташкил қилувчи ушбу турнирда ҳамюртимиз Сергей Фомин ҳам ўз имкониятини синаб кўряпти. Афсуски, турнирда тўртинчи рақам остида таснифланган Фомин илк даврадаёқ ATP рейтингида 1167-поғонада бораётган ҳиндистонлик Арян Шаҳга 5/7, 0/6 ҳисобида ютқазиб қўйди.

Таққослаш учун, Сергей Фомин дунё рейтингида 697-ўринни эгаллаб турибди ва эътиборли у ўтган ҳафта айнан Шимкентда ўтказилган М15 тоифасига кирувчи турнирда чемпион бўлган эди.