01 мар 06:37
Янгиликлар

Дзюдо

OTP Group Tashkent Grand Slam 2026. Медаллари 5 тага етган Ўзбекистон делегацияси нечанчи ўринда? (+ФОТОГАЛЕРЕЯ)

Пойтахтимиз мезбонлигида ўтаётган "Катта Дубулға" туркумига кирувчи нуфузли турнирнинг иккинчи кунги беллашувлари ортда қолди.

Кечаги кун ҳам Ўзбекистон делегацияси учун омадли келди. Дзюдочиларимиз томонидан учта медаль қўлга киритилди. Тажрибали Шаҳрам Аҳадов кумуш, Элбек Тожиев ва Муроджон Йўлдошев бронза медалларига сазовор бўлди. Бу Аҳадов учун Grand Slam турнирларидаги тўққизинчи, Йўлдошев учун тўртинчи медаль эди. 22 ёшли Тожиев эса фаолиятидаги илк "Катта Дубулға" медалига эга чиқди.

Ўзбекистон спорт делегацияси икки кунлик баҳслар якунига кўра 1 та олтин, 1 та кумуш, 3 та бронза медали билан учинчи ўринни эгаллаб турибди. Жами 16 давлат делегациялари камида битта медаль қўлга киритиб улгуришди.