OTP Group Tashkent Grand Slam 2026. Ўзбекистон медаллар сифатида учинчи, сони бўйича иккинчи бўлди!

Уч кун давомида дунёнинг 39 давлатидан келган 400 нафарга яқин дзюдочилар медаллар ҳамда жаҳон рейтинги учун тақдим этилган қимматли очколар учун баҳс олиб боришди. Ўзбекистон терма жамоаси сафида сўнгги кун баҳсларида Эрназар Сарсенбаев ва Алишер Юсупов кумуш, Умида Ниғматова бронза медалини қўлга киритди. 

Шу тариқа, Ўзбекистон делегацияси OTP Group Tashkent Grand Slam 2026 турнирини 1 та олтин, 3 та кумуш, 4 та бронза медали билан учинчи ўринда якунлади. Медаллар сони бўйича эса дзюдо ватани Япониядан кейин иккинчи бўлдик.  

OTP Group Tashkent Grand Slam 2026 турнири терма жамоамиз сафидаги ёш дзюдочилар учун катта тажриба мактаби вазифасини ўтаб берди. Меҳмонлар, халқаро экспертлар Тошкент "Катта Дубулға" турнири ташкилотчилигини юқори баҳолашди.  

OTP Group Tashkent Grand Slam 2026 ғолиб ва совриндорларимиз:

Олтин медаль:

-57 кг: Шукуржон Аминова

Кумуш медаллар:

-73 кг: Шаҳрам Аҳадов

-100 кг: Эрназар Сарсенбаев

+100 кг: Алишер Юсупов

Бронза медаллар:

-60 кг: Достон Рўзиев

-73 кг: Элбек Тожиев

-81 кг: Муроджон Йўлдошев

+78 кг: Умида Ниғматова