"Овчи"нинг UFC`даги жанги яна бекор қилинди

Ўшандан ўн кун ўтиб, мағлубият нималигини билмай келаётган Сусуркаевнинг бразилиялик Райан Гандра билан бўладиган жанги бекор қилинганини айтишди.

"12 декабрь куни мен жанг қилишим керак бўлган рақиб Райан Гандра эди, аммо энди у ҳам йўқ. Менда битта савол бор: мен ҳақиқатан ҳам шунчалик хавфлиманми ёки уларни менинг чидамлилигим қўрқитяптими? Хўш, яна бир ном пайдо бўлди. Умид қиламанки, ниҳоят кимдир менга қарши чиқишга журъат этади. Сизнингча, менинг навбатдаги "қурбоним" ким бўлади?", – деб ёзди "Овчи" (Охотник) ижтимоий тармоқдаги саҳифасида.

Аслида Байсангур Сусуркаев 14 ноябрь куни Нью-Йоркда бўлиб ўтадиган UFC 334 турнирида иштирок этиши керак эди, бироқ жароҳати туфайли америкалик Донте Жонсонга қарши жангдан воз кечишга мажбур бўлганди.

Аввалроқ, арубалик нокаутчи Демиан Пинас декабрь ойида Сусуркаев билан октагонда учрашишга тайёрлигини билдирган, бироқ россиялик жангчи уни қўрқоқликда ва жангдан бош тортганликда айблаган эди.

UFC 335 турнири 12 декабрь куни Лас-Вегасда бўлиб ўтади. Оқшомнинг марказий жанги енгил вазн тоифасида Чарльз Оливейра ва Диего Лопес ўртасидаги BMF чемпионлик камари учун кечади.