Ойбек Касимов Фарғонадаги от спорти мажмуасига ташриф буюрди

Унда Ўзбекистон Республикаси Жисмоний тарбия ва спорт вазирлиги томонидан жорий йилнинг 7-9 июль кунлари Фарғона вилоятида спортга доир амалга оширилаётган ишларни ўрганиш ва амалий ёрдам бериш бўйича ишчи гуруҳнинг якуний хулосаси муҳокама этилди. Шунингдек, Ўзбекистон Республикаси Жисмоний тарбия ва спорт вазирлигида шу йилнинг 6 июль куни ўтказилган Ҳайъат йиғилишида кўрилган масалалар ва белгиланган топшириқлар ижроси юзасидан ҳисобот берилди. Бундан ташқари Ўзбекистон Республикаси Президенти, Ўзбекистон Республикаси Вазирлар Маҳкамаси томонидан чиқарилган қарор ва фармойишларнинг худудлардаги ижро ҳолати танқидий муҳокама этилиб, худудий бўлимлар раҳбарлари ва болалар-ўсмирлар спорт мактаблари директорлари ушбу йўналишдаги амалга оширилаётган ишлар бўйича ҳисоботлари эшитилди.

Йиғилишдан сўнг Ўзбекистон Республикаси Жисмоний тарбия ва спорт вазирининг биринчи ўринбосари Ойбек Касимов бошчилигида Қувасой шаҳрида жойлашган Қорабайир зотли отларни кўпайтиришга ихтисослашган от спорти комплексига ташриф буюрилиб, у ерда барпо этилган шарт шароитлар билан яқиндан танишдилар ҳамда от спортини ривожлантириш бўйича ўз таклифларини билдирди.