Ойбек Касимов МДҲ мамлакатлари спорт вазирликлари йиғилишида иштирок этди

Икки кун давом этган уюшма аъзолари йиғилишида Мустақил Давлатлар ҳамдўстлигига аъзо мамлакатларнинг жисмоний тарбия ва спорт вазирликлари расмийлари иштирок этди. Йиғилишда Ўзбекистондан вазирнинг биринчи ўринбосари Ойбек Касимов қатнашди. 

Аввал имзоланган Келишувга кўра уюшмага аъзо мамлакатлар жисмоний тарбия ва спорт соҳасида ўзаро ҳамкорлик қилишади. Йиғилишнинг очилиш маросимида сўзга чиққан Қозоғистон маданият ва спорт вазири ўринбосари Елдос Рамазанов қатнашчиларни қутлади.  

Икки кунлик йиғилиш сўнггида Уюшма аъзолари бир овоздан Серик Сапиевни 2019-2020 йиллар учун МДҲ мамлакатлари жисмоний тарбия ва спорт ишлари бўйича Кенгаши раиси этиб сайланди. 

Уюшма аъзолари МДҲ мамлакатларида 2021-2030 йиллар учун мўлжалланган дастур лойиҳасини муҳокама қилишди. Ўтган йили ташкилот йиғилишига Арманистон давлати мезбонлик қилганди. Келаси йилги йиғилиш Қозон шаҳрида бўлиб ўтади.