29 авг 10:36
Янгиликлар
Бокс/ММА
"Ўйлайманки, Гэтжи Хабибни йўлдан супуриб ташлайди"
Енгил вазн тоифасида UFC чемпиони Хабиб Нурмагомедов ҳамда вақтинчалик чемпион Жастин Гэтжи ўртасидаги жангга қизиқиш тобора ортиб бормоқда.
Жанг санаси яқин қолгани сайин ушбу чемпионлик баҳси атрофидаги муҳокамалар қизияпти. Енгил вазнда собиқ UFC чемпиони Эдди Альварес ҳам бўлажак жангга муносабатини билдириб, очиқчасига Жастин Гэтжига мухлислик қилишини айтди.
"Мен ҳамиша Жастин Гэтжи тимсолида чемпионни кўрганман. Ҳам жангчи, ҳам мухлис сифатида бу фикрни айтяпман. Менга бошқа ММА усталари билан таққослаганда, айнан унинг жангларини томоша қилиш ёқади. Унинг фанатиман десам ҳам бўлади. Чемпионлик жангида октагонга чиқишидан хурсандман ва ўйлайманки, у Хабибни йўлдан супуриб ташлайди. Жастин бунга муносиб, у катта гонорар олишга ҳақли", — деди Альварес.
Ҳавола :
Фикрлар