Озарбайжон Гран-приси. Хэмилтон квалификация ғолиби

Мусобақанинг учинчи куни квалификация пойгаси ўтказилди. Унда энг яхши натижани “Мерседес” жамоаси пилоти Льюис Хэмилтон кўрсатди. Уч карра жаҳон чемпиони Озарбайжон Гран-присидаги кўча трассаси учун рекорд натижани қайд этди - 1:40.593.

Британиялик пилотнинг асосий рақиби ҳисобланган Валттери Боттас иккинчи ўринни эгаллади. Кучли учликка Кими Райкконен якун ясаб берди. Дастлабки икки кунги эркин пойгада ғолиб бўлган Макс Ферстаппен бу сафар бешинчи ўринни банд этди.

“Формула-1”. Озарбайжон Гран-приси. Квалификация

1. Льюис Хэмилтон (Мерседес) — 1:40,593

2. Валттери Боттас (Мерседес) +0,434

3. Кими Райкконен (Феррари) +1,100

4. Себастьян Феттель (Феррари) +1,248

5. Макс Ферстаппен (Ред Булл) +1,286

6. Серхио Перес (Форс Индия) +1,518

7. Эстебан Окон (Форс Индия) +1,593

8. Лэнс Стролл (Уильямс) +2,160

9. Фелипе Масса (Уильямс) +2,205

10. Даниэль Риккардо (Ред Булл) +2,821