Озарбайжон МДҲ ўйинларига иккинчи таркибини жўнатади

Хабар берганимиздек, тарихий аҳамиятга эга ушбу мусобақа 4-11 сентябрь кунлари Россия Федерациясининг Қозон шаҳрида ўтказилади. МДҲ ўйинларида 23 ёшгача бўлган спортчилар иштирок этиш ҳуқуқига эга. Озарбайжон терма жамоаси мураббийлари Қозонга иккинчи ва учинчи таркиб дзюдочиларини жўнатишни мақсад қилган. Бу ҳақида терма жамоа бош мураббийи Руслан Машуренко хабар берди. 

"Миллий федерациямизга МДҲ ўйинларида қатнашиш учун ташкилотчилар томонидан таклифнома келиб тушди. Улар тасдиқланган таркибни жўнатишни сўрашяпти. Режа бўйича Қозонга иккинчи ва учинчи таркиб спортчиларимизни жўнатамиз. Уларнинг яхши натижага эришишига ишонаман", - деди Машуренко. 

Маълумот учун, ҳозир дунёнинг кўплаб мамлакат терма жамоалари ёпиқ ҳолатда машғулотларни олиб боришяпти.