“Ўзбегим отлари” мажмуаси от спорти бўйича халқаро мусобақага мезбонлик қилди

Тошкент вилояти Ўртачирчиқ туманида жойлашган «Ўзбегим отлари» мажмуасида, Халқаро от спорти федерацияси (ФEИ) ва Ўзбекистон йилқичилик ва от спорти федерацияси ҳамкорлигида ўтказилди.

Мусобақада Қозоғистон, Қирғизистон, Туркманистон давлатларидан келган чавандозлар қатори Ўзбекистон Республикаси Чегара қўшинлари ҳарбий хизматчилари ва юртимизнинг бошқа моҳир чавандозлари Аҳалтака, Қорабайир ва араб зотдор отларида иштирок этишди.

Ушбу беллашув отларни чиниқтириш, узоқ масофага юришда чавандоз ва отнинг йирик турнирлардан олдин тайёргарлигини аниқлаш учун ташкил этилди. Мусобақага халқаро тоифадаги, ФEИдан келган махсус ҳакамлар ҳайъати раислик қилди.

Аҳамиятлиси, унда «Пошшохон» лақабли отда ўз имкониятини синаб кўрган Ўзбекистон йилқичилик ва от спорт федерацияси раиси Баҳромжон Газиев иккинчи натижани қайд этди. Мусобақа ғолиблиги Олег Саратсевга насиб этган бўлса, кучли учликни Зикрилло Рихсибоев банд этди.

1. Олег Саратсев («Мотивхон», от лақаби);

2. Баҳромжон Газиев (Пошшохон);

3. Зикрилло Рихсибоев (Арфист).