24 май 07:42
Янгиликлар

Бошқалар

Ўзбек автомобили – "RAVON" Россияда ғалаба келтирди

Россия Федерациясининг Богородск шаҳри яқинида жойлашган “Нижний Новгород халқаси” пойга йўлида Россия "Халқа" чемпионатининг навбатдаги босқичи ўтказилди.

Унда "RAVON Racing Team" жамоаси ўзининг илк ғалабасини қўлга киритди.

“RAVON Racing Team” жамоаси пойгага махсус тайёрланган, мамлакатимизда ишлаб чиқарилган иккита "Ravon Nexia R3" автомобилларида “Академия ралли”, “С-логистик”, “Suvar motorsport” каби номдор жамоалар билан рақобатлашди.

Кескин ва муросасиз ўтган пойгада "Ravon Nexia R3"ни бошқарган Ефим Гантмахер “Туринг лайт” классининг етакчиси, тажрибали пойгачи, 5 карра Россия чемпиони Владимир Черевандан ғалабани илиб кетди.

Эслатиб ўтамиз, “RAVON Racing Team” автомобиллари Самара шаҳрида жойлашган “TEAM80 Motorsport Engineering” инженерлари томонидан пойга учун махсус тайёрланди.