Ўзбек жанг санъати бўйича Тошкент вилоятининг энг кучлилари сараланди

Оҳангарон туманидаги Болалар-ўсмирлар спорт мактаби мезбонлик қилган ушбу мусобақада Тошкент вилоятининг барча туман-шаҳарлардан жами 500 нафардан зиёд спортчилар фаол иштирок этишди.

Мусобақа “Шахсий комплекс машқ”, “Жамоавий комплекс машқ”, “Шахсий беллашув” ҳамда “Ассалом тонг” баҳслари бўйича “Ўзбек жанг санъати” миллий федерацияси томонидан қабул қилинган қонун ва қоидалар асосида ўтказилди.

Мусобақа Республика чемпионатига йўлланма тақдим этиши билан ҳам қизиқарли эди. Шу боисдан иштирокчилар бор имкониятларини ишга солган ҳолда ҳар бир чиқишларни аъло даражада ўтказишди.

Якунда ғолиб ва совриндорлар сафидан жой олганлар ташкилотчилар томонидан диплом, медаль, қимматбаҳо совғалар билан тақдирланишди.