Ўзбек жанг санъати. Кучлилар Термизда аниқланди

Ўзбекистон Республикаси Спорт вазирлиги ҳамда Ўзбек жанг санъати федерациясининг йиллик-тақвим режасидаги мазкур мамлакат кубоги баҳсларида Қорақалпоғистон Республикаси, Тошкент шаҳри ва барча вилоятлардан келган 800 нафарга яқин спортчи Ўзбек жанг санъатининг "Беллашув жанг кураш" йўналиши бўйича ўзаро куч синашди. 

Регламентга мувофиқ, мусобақанинг биринчи куни тантанали очилиш маросими ташкил этилди. Унда Ўзбекистон Ўзбек жанг санаъти федерацияси раиси Пўлат Усмонов иштирок этиб, спортчиларга омад тилади.

Юқори савияда ўтказилган мусобақанинг якуний натижаларига кўра, қўйдаги жамоалар кучли учликдан жой олишга муваффақ бўлишди. 

Катталар ўртасида: 

1.Тошкент шаҳри

2. Андижон вилояти

3. Самарқанд ва Сирдарё вилоятлари

Ёшлар ўртасида: 

1.Тошкент вилояти

2. Тошкент шаҳри

3. Самарқанд ва Фарғона вилояти

Ўсмирлар ўртасида: 

1. Сурхондарё вилояти

2. Бухоро вилояти

3. Самарқанд ва Тошкент вилояти

Шунингдек, мусобақада "Энг яхши спортчи" номинацияси ғолиблари ҳам аниқланди. 

"Энг яхши эркак спортчи" номинациясида Феруз Исмоилов, Шаҳриёр Сайдазимов, Шербек Аҳмаджонов, Муҳаммад Юсуф Акбаров ғолиб деб топилди. 

Қизлар ўртасидаги "Энг яхши спортчи" номинациясига эса Шаҳзода Одилова, Муаззамой Сотволдиева, Фароғат Ширинова, Адолат Шамсиддинова ҳамда Нафисахон Хайруллаева лойиқ кўрилди.

Илҳом РАҲМОНОВ тайёрлади