Ўзбек жанг санъати: Онлайн чемпионатда андижонликлар ғолиб

Ўзбек жанг санъати бўйича 2007-2008, 2009-2010, 2011-2012 ва 2013 йилларда туғилган ўсмирлар ўртасида ташкил этилган Ўзбекистон очиқ чемпионатида мамлакатимизнинг барча ҳудудларидан 400 нафардан ортиқ ёш спортчилар шахсий комплекс машқлар ва темурийлар жанг усулида совринли ўринлар учун онлайн баҳсларда қатнашишди.

Ўзбек жанг санъати федерацияси вакилларининг билдиришича, иккала йўналишда ҳам энг кўп олтин медаль жамғарган андижонликлар (8 та олтин медаль) умужамоада 1-ўринни эгаллаган бўлса, Тошкент шаҳри ва Бухоро ёшлари кейинги ўринлардан жой олишди. Шунингдек, Тошкент, Хоразм, Жиззах ва Сирдарё вилоятларининг бир қатор ёш спортчилари ҳам совринли ўринларни эгаллашди.

Тўлқин РЎЗИЕВ.