02 сен 16:49
Янгиликлар

Ўзбек жанг санъати усталари Кореяда 30 та медаль қўлга киритишди

Жанубий Кореянинг Чунджу шаҳрида давом этаётган Бутунжаҳон жанг санъатлари фестивали доирасида бугун ўзбек жанг санъати бўйича ҳам мусобақа ўтказилди.

Унда Ўзбекистон, Россия, Камбоджа, Ҳиндистон ва Филиппин терма жамоалари совринли ўринлар учун кураш олиб боришди. Турли вазн тоифасида ўтказилган жанг санъати йўналиши бўйича мусобақада 69 нафар спортчи ўз маҳоратини намойиш этди.

Қизғин кечган беллашувлар якунига кўра 21 та олтин, 8 та кумуш ва 1 та бронза медалини қўлга киритган Ўзбекистон терма жамоаси умумжамоа ҳисобида 1-ўринни эгаллади. Иккинчи ўринни Ҳиндистон термаси банд этган бўлса, кучли учликка Филиппин вакиллари якун ясашди.