03 сен 14:19
Янгиликлар

Ўзбек жанг санъати усталаримиз саралашда биринчи бўлишди

Хабар берганимиздек, Жанубий Кореянинг Чунжу шаҳрида Бутунжаҳон жанг санъатлари фестивали ўтказилмоқда.

Бундан бир неча дақиқа аввал жамоавий баҳслар якунига етди. Эътиборлиси, 18 жамоа иштирокида бўлиб ўтган саралаш баҳсларида Пўлат Усмонов бошчилигидаги Ўзбекистон ўзбек жанг санъати терма жамоасининг кўргазмали чиқиши ҳакамлар томонидан энг юқори (89.000) баҳога лойиқ кўрилди.

Ҳиндистонликлар иккинчи, 88.375 балл тўплаган Малайзия терма жамоаси учинчи бўлди. Саралаш баҳсларида юқори ўнталикдан жой олган жамоалар финал босқичида медаллар учун курашни давом эттирадилар. Ҳал қилувчи мусобақа 4 сентябрь санасида ўтказилади.

Эслатиб ўтамиз, бугун, шунингдек, икки кишилик саралаш баҳсларида ҳам икки дуэтимиз муваффақиятли иштирок этиб, финал йўлланмасини қўлга киритган эди.