Ўзбек миллий кураши бўйича илк бор Жанубий Осиё чемпионати ўтказилади

Жанубий Осиё Кураш Федерацияси 2023 йилда Осиё Кураш Конфедерациясининг ташкил этилиши асосида рўйхатга олинган.

Курашни Жанубий Осиё мамлакатларида янада оммалаштириш, халқаро мусобақалар ташкил этиш мақсадида ўз фаолиятини бошлаган федерацияга Ҳиндистон, Шри-Ланка, Покистон, Непал ва Бангладеш аъзо ҳисобланади.

Ўтган 2023 йилда биринчи чемпионатни ўтказиш Бангладеш кураш федерациясига юкланган эди. Бироқ ўз вақтида керакли ишлар амалга оширилмагани учун биринчи Жанубий Осиё чемпионати 2024 йилга кўчирилган эди.

Кураш бўйича ушбу нуфузли мусобақа жорий йилда Ҳиндистоннинг Керала шаҳрида ўтказилиши режалаштирилган. 19-20 апрель кунлари "Муқаддас юрак коллежи"да бўлиб ўтадиган чемпионат катталар ва 20 ёшгача бўлган спортчилар ўртасида ўтказилади.