03 сен 10:41
Янгиликлар

Қишки спорт турлари

Ўзбек қишки спортидаги нохуш хабарлар давом этади: Гейниш ва Чигирёв АҚШ Гран-присида ҳам қатнашмайди

Фигурали учишнинг жуфтлик йўналишида Ўзбекистон терма жамоаси аъзолари Екатерина Гейниш ва Дмитрий Чигирёв янги мавсумдаги иккинчи Гран-при босқичини ҳам ўтказиб юборади.

Аввалроқ, спортчиларнинг октябрь ойида Хитойнинг Чонгқин шаҳрида ташкил этиладиган Гран-прида қатнашмаслиги маълум қилинганди. Энди Гейниш ва Чигирёв жуфтлиги ноябрь ойида Нью-Йорк мезбонлик қилувчи АҚШ Гран-при босқичини ҳам ўтказиб юборади.

Фигурали учишни ёритиб борувчи figurexing Telegram каналининг ёзишича, Екатерина ва Дмитрий жуфтлик сифатидаги спорт фаолиятини якунлашган. Ҳозирча бунга спортчилар, мураббийлар ёки расмийларимиз муносабат билдиришганича йўқ.

Агар миш-мишлар рост бўлиб чиққан тақдирда, фигурали учувчиларимизнинг 2026 йилги қишки Олимпия ўйинлари учун қўлга киритган йўлланмалари ҳисобимиздан ўчирилиши мумкинлиги айтилмоқда.