01 дек 15:17
Янгиликлар
Қиличбозлик
Ўзбекистон 2027 йилда яна бир Жаҳон чемпионатини ўзида қабул қилиши мумкин
Кеча Тошкентда Халқаро қиличбозлик федерациясининг навбатдаги Конгресси бўлиб ўтди.
Ундаги муҳим масаларидан бири — ташкилот ижроия қўмитаси аъзолигига номзодлар сайланиши бўлди.
Қувонарлиси, Ўзбекистон қиличбозлик федерацияси бош котиби Гулнора Саидова мазкур конгрессда 104 та овоз тўплаб, Халқаро қиличбозлик федерацияси ижроия қўмитаси аъзолигига сайланди.
Шунингдек, Конгресс доирасида ўтказилган матбуот анжуманида 2027 йилда қиличбозлик бўйича катталар ўртасидаги Жаҳон чемпионатини Ўзбекистонда ўтказиш режалаштирилаётганлиги маълум қилинди.
Аввалроқ, Тошкентдаги конгресс давомида асли ўзбекистонлик тадбиркор Алишер Усмонов Халқаро қиличбозлик федерацияси президенти этиб сайлангани ҳақида хабар бергандик. Усмонов 2008-2022 йиллар давомида ҳам ташкилотга раҳбарлик қилган.
Ҳавола :
Манба : olamsport.com
Фикрлар