Ўзбекистон аралаш жанг санъатлари Ассоциациясида янги раис ўринбосари!

Мамлакат чемпионати ҳамда юртимизда ўтказиладиган халқаро мусобақаларда ташкилий қўмита аъзоси сифатида ишлаб келган Ҳасан Эргашев бугундан эътиборан Ўзбекистон аралаш жанг санъатлари (ММА) Ассоциацияси раиси ўринбосари лавозимида фаолиятини давом эттиради. 

ММА оламида катта тажриба ва шу билан бирга обрўга эга бўлган бу мутахассис Ўзбекистон аралаш жанг санъатини янги босқичга олиб чиқиш йўлида ўзининг бой тажрибасини ишга солади.   

Таъкидлаш жоиз, шу кунгача Ассоциация раҳбариятида ишлаб келганлар тўлиқ таркибда ўз фаолиятларини давом эттиришади. Ҳасан Эргашев жамоанинг янада кучайишига хизмат қилади.

Маълумот учун, Ўзбекистон Республикаси Мудофаа вазири, генерал-лейтенант Баҳодир Қурбонов Ўзбекистон аралаш жанг санъатлари Ассоциацияси раиси, Шерзод Ташматов раиснинг биринчи ўринбосари, Музаффар Ражабов раис ўринбосари, Зафар Қаҳрамонов эса ижрочи директор лавозимида фаолият юритмоқда.