Ўзбекистон аёллар терма жамоасининг Осиё кубогидаги эҳтимолий рақиблари маълум

Ушбу ғалаба аёллар терма жамоамизга тарихда илк бор плей-оффда ўйнаш имконини тақдим этди.

Ўзбекистон терма жамоасининг чорак финалдаги рақиби бошқа гуруҳлардаги ўйинлар натижаларига қараб аниқланади. 

Жамоамиз: 

а) 14 март куни “А” гуруҳи ғолиби — Корея Республикасига қарши майдонга тушиши мумкин;

б) ёки 15 март куни “C” гуруҳи ғолиби билан баҳс олиб боради.

Эслатиб ўтамиз, чорак финал босқичи турнирнинг ҳал қилувчи паллаларидан бири ҳисобланади. Чунки Осиё кубогида энг яхши олти жамоа 2027 йилги аёллар ўртасидаги Жаҳон чемпионатига тўғридан-тўғри йўлланмани қўлга киритади.

Агар Ўзбекистон терма жамоаси чорак финалда ғалаба қозонса, мундиалга тўғридан-тўғри йўл олади. Ушбу босқичда имкониятни бой берган жамоалар 19 март куни ўтиш ўйинларида иштирок этиб, қолган йўлланмалар учун курашни давом эттиради.