Ўзбекистон бокс федерацияси Навоий вилояти бўлимига янги раис тайинланди

Бу борада бугунги кунгача бир неча худудий бўлимларга янги раислар тайинланди. Ана шундай тайинловлардан бири Навоий вилоятида бўлди. Шу мақсадда Навоий шаҳрида Ўзбекистон бокс федерацияси Навоий вилояти бўлимининг навбатдан ташқари ҳисобот конференцияси ташкил этилди. 

Унда Ўзбекистон бокс федерацияси раисининг биринчи ўринбосари Сакен Полатов бошчилигидаги ишчи гуруҳ аъзолари ҳам иштирок этишди. Кун тартибидан ўрин олган асосий масала вилоят бўлимига янги раис тайинлашдан иборат эди. 

Ўзбекистон бокс федерацияси уставининг 5-бандига биноан Ўзбекистон бокс федерацияси раҳбариятининг тавсиясига асосан бир неча йиллар давомида Навоий вилоятининг турли ташкилотларига раҳбарлик қилиб келган, катта меҳнат тажрибасига эга бўлган Ғаффоров Сардор Абдуқодирович Навоий вилояти бўлими раиси этиб тайинланди. 

Йиғилиш давомида федерация раҳбарияти томонидан вилоят бўлимида амалга оширилиши лозим бўлган вазифалар белгилаб берилди. Ўз навбатида, Сардор Ғаффоров билдирилган ишончни оқлашга, Навоий вилояти боксини янги босқичга олиб чиқишга ҳаракат қилишини таъкидлади. 

Тадбир давомида Ўзбекистон бокс федерацияси томонидан Навоий вилояти бокси ривожига ҳиссасини қўшиб келаётган мураббийлар Александр Петров ва Тўлқин Маҳамматовга эҳтиром кўрсатилди.

Ўзбекистон бокс федерацияси матбуот хизмати