20 апр 13:42
Янгиликлар
Хоккей
Ўзбекистон чемпион бўлган Жаҳон чемпионатининг IV дивизионида якуний турнир жадвали қай ҳолатда?
Кеча хоккей бўйича катталар ўртасидаги Жаҳон чемпионатининг IV дивизион беллашувлари ниҳоясига етди.
Унда Ўзбекистон терма жамоаси 13 очко билан мусобақа ғолиблигини қўлга киритди. Хоккейчиларимиз сўнгги турда Малайзияни 18:3 ҳисобида мағлуб этди.
Турнир мезбони бўлмиш Арманистон эса Индонезия термасини 14:1 ҳисобида таслим этгач, иккинчи ўринни сақлаб қолди. Бронза медаллари эса Қувайт термасига насиб этди. Учинчи турда Арманистонни енгиб, Ўзбекистонга катта ёрдам бериб юборган қувайтликлар сўнгги беллашувда Эронни 11:0 ҳисобида мағлубиятга учратди.
Шундай қилиб, мусобақа якунларига кўра, Ўзбекистон терма жамоаси юқорилади ва кейинги мавсумни III Б дивизионида ўтказадиган бўлди.
Ҳавола :
Манба : olamsport.com
Фикрлар