Ўзбекистон чемпионатида энг яхшилар аниқланди. Медаллар жамғариш рейтингида қайси жамоа биринчи бўлди?

Анъанага мувофиқ, мусобақа якунида чемпионатнинг энг яхшилари аниқланди. Унга кўра, "Энг яхши аёл боксчи" номинациясида Жиззах вилояти жамоаси аъзоси Азиза Зокирова (70 кг) ғолиб деб топилди. У финалда Спорт академияси вакиласи Мафтуна Янгиевани очколар ҳисобига кўра мағлуб этганди.

 "Энг яхши эркак боксчи" эса Самандар Олимов (Мудофаа вазирлиги, 55 кг) бўлди. Самандар ҳал қилувчи баҳсда бухоролик Шаҳзод Музаффаровдан устун келди. 

"Энг яхши терма жамоа" эса 3 та олтин, 4 та кумуш ва 2 та бронза медалини қўлга киритган Мудофаа вазирлиги жамоасига насиб этди. 

Фарғоналиклар 3 та олтин, 1 та кумуш ва 3 та бронза медалига эга чиққан бўлса, Самарқанд жамоаси 2 та олтин ва 2 та кумуш билан кучли учликни якунлаб берди.