Ўзбекистон чемпионатида медаллар жамғариш бўйича қайси вилоят биринчи бўлди?

Тўрт кунлик беллашувлар якунига кўра, Қашқадарё вилояти терма жамоаси медаллар жамғариш бўйича умумжамоа ҳисобида биринчи ўринни эгаллади. Улар 3 та олтин, 1 та кумуш, 4 та бронза медалини қўлга киритишди. Гулҳаё Жўраева, Маржона Кўчимова ва Исломбек Равшанқулов ўз вазн тоифаларида Ўзбекистон чемпиони бўлишди. 

Анваржон Иброҳимов ва Шаҳрам Аҳадовнинг олтинлари ҳам қўлга киритилган 6 та кумуш медаль Бухоро вилояти терма жамоасига иккинчи ўринни тақдим этди. Кучли учикка Хоразм вилояти дзюдочилари 2 та олтин, 2 та кумуш, 4 та бронза медали билан якун ясашди. 

Тошкент шаҳри, Навоий ва Самарқанд вилояти терма жамоалари сафида ҳам 2 нафардан Ўзбекистон чемпиони бўлди. Сурхондарё терма жамоасига ягона олтин медални тажрибали Ҳикматуллоҳ Тўраев келтирди. Андижон вилоятидан ташқари қолган барча ҳудуд жамоалари камида битта медаль қўлга киритишди.