Ўзбекистон чемпионатига тайёргарлик муҳокама қилинди

Аниқроғи, 21-23 декабрь кунлари Тошкент шаҳри катталар ўртасидаги Ўзбекистон чемпионатига мезбонлик қилади. Йилнинг сўнгги мусобақасига бўлган қизиқиш ҳозирнинг ўзида юқори. Боиси, чемпионатда Токио Олимпиадаси совриндори Давлат Бобоновдан ташқари барча терма жамоа дзюдочилари иштирок этади. Бу Федерация томонидан мажбурий қилиб қўйилган. Акс ҳолда дзюдочи терма жамоадаги ўрнини йўқотади. 

Ўзбекистон дзюдо федерациясида айнан мамлакат чемпионатига кўрилаётган тайёргарлик юзасидан ишчи гуруҳнинг илк кенгайтарилган йиғилиши ўтказилди. Федерация раиси ўринбосарлари Жаҳонгир Тиллаев, Зафар Қаҳрамонов, бош котиб Нодир Ғойибназаров бошчилик қилган йиғилишда мусобақага тайёргарлик, ташкилий масалалар муҳокама қилинди.