21 май 11:35
Янгиликлар

Дзюдо

Ўзбекистон чемпионатининг тантанали очилиш маросими бўлиб ўтди ФОТОРЕПОРТАЖ

Хабарингиз бор, шу кунларда Фарғона Олимпия захиралари коллежида дзюдо бўйича ўсмирлар (2006-2007 йилларда туғилганлар) ўртасидаги Ўзбекистон чемпионатига мезбонлик қилмоқда.

Қорақалпоғистон Республикаси, барча вилоятлар ҳамда Тошкент шаҳридан 800 нафарга яқин истеъдодли дзюдочилар иштирок этаётган мамлакат биринчилигининг иккинчи кунги финал беллашувлари олдидан мусобақанинг тантанали очилиш маросими ташкил этилди.

Тадбирда Ўзбекистон дзюдо федерацияси раиси ўринбосарлари Зафар Мамажонов, Зафар Қаҳрамонов, Фарғона вилояти Туризм ва спорт бошқармаси мутасаддилари, Ўзбекистон дзюдо федерациясининг Фарғона вилояти бўлими раҳбари Низом Иралиев ва бошқалар иштирок этди. Ёш ижрочиларнинг куй-қўшиқлари, спортчиларнинг кўргазмали чиқишлари олимпия захиралари коллежига йиғилганларнинг кайфиятини янада кўтарди.