Ўзбекистон делегацияси Бутунжаҳон ўйинларини 2 та медаль билан якунлади

Нуфузли мусобақада 110 мамлакатдан 3 600 нафардан ортиқ атлет ғолиблик учун баҳс олиб боришди.

Ўзбекистон делегацияси ушбу мусобақага 5 нафар спортчи билан иштирок этди. Ҳамюртларимиз орасида дастлаб каратечимиз Достон Отаболаев татамига чиқди. -75 кг вазн тоифасида жанг олиб борган 2021 йилги жаҳон чемпиони якунда бронза медали билан тақдирланди.

Шунингдек, Индонезияда ўтган 2018 йилги Осиё ўйинларида кумуш медалга сазовор бўлган у-шучи қизимиз Даря Латишева бу гал ҳам шоҳсупанинг иккинчи поғонасига кўтарилди.

Афсуски, мусобақада бадиий гимнастикачимиз Екатерина Фетисова, жиу-житсучи Баҳром Машрапов ҳамда муай-тай устаси Фанат Қаҳрамонга бироз омад етишмади. Шу тариқа, делегациямиз Бирмингемда 1 та кумуш ва 1 та бронза медалини қўлга киритди.

Навбатдаги Бутунжаҳон ўйинлари 2025 йилда Хитойнинг Ченгду шаҳрида ўтказилади.