Ўзбекистон делегацияси катта таркибда BRICS ўйинларида қатнашади

Ўйинларда 60 та мамлакатдан ташриф буюрган 4751 нафар спортчи 27 та спорт тури доирасида 387 та медаллар жамғармаси учун кураш олиб боради.

Мусобақада Ўзбекистон делегацияси ҳам иштирок этади. Мусобақа расмий сайтидаги маълумотга таянадиган бўлсак, вакилларимиз 19 та спорт тури бўйича 168 нафар спортчи билан баҳсларда қатнашиши кутилмоқда.

Спортчиларимиз BRICS ўйинларида фижитал-футбол, сувга шўнғиш, бадиий гимнастика, шахмат, қиличбозлик, каноеда эшкак эшиш, академик эшкак эшиш, сузиш, синхрон сузиш, от спорти, теннис, фижитал-баскетбол, бокс, спорт гимнастикаси, ушу, кураш, спорт курашлари, каратэ ва енгил атлетика бўйича ўтказиладиган беллашувларда ғолиблик учун баҳс олиб боради.

Ҳозирча Спорт вазирлиги ёки МОҚ матбуот хизмати ушбу мусобақадаги таркибимиз ҳақида маълумот бергани йўқ.