Ўзбекистон делегацияси Париж Олимпиадасининг илк кунини медалсиз якунлайдиган бўлди

Бироқ уларнинг барчаси имкониятни бой берди.

Жумладан, дзюдочимиз Достон Рўзиев (60 кг) илк босқичда мағлуб бўлган бўлса, Ҳалимажон Қурбонова (48 кг) нимчорак финалда мусобақа билан хайрлашди.

Шунингдек, 20 ёшли сузувчимиз Анастасия Зелинская 400 метрга эркин усулда сузиш дастурида саралашдан ўта олмади. Мазкур дастурнинг эркаклар ўртасидаги беллашувида эса Илья Сибирцевдан омад юз ўгирди ва у ҳам финал босқичига ўта олмади.

Бугунги кун доирасида медал учун сўнгги даъвогар — Ольга Забелинская индивидуал вақт учун алоҳида старт дастурида иштирок этиб, 35 нафар спортчи орасида 23-натижани қайд этди.

Шу тариқа, Олимпиаданинг дастлабки кунини делегациямиз медалсиз якунлайдиган бўлди.