07 июн 10:25
Янгиликлар

Шахмат

Ўзбекистон делегацияси “Ёш ватандошларнинг V Бутунжаҳон ўйинлари”дан қайтди ФОТОГАЛЕРЕЯ

30 май - 6 июнь кунлари Россиянинг Ханти-Мансийск шаҳрида “Ёш ватандошларнинг V Бутунжаҳон ўйинлари” бўлиб ўтди.

Бугун эрта тонгда Ислом Каримов номидаги “Тошкент Халқаро аэропорти”да жаҳоннинг 60 та давлатидан 650 нафар мактаб ўқувчилари иштирок этган нуфузли мусобақада иштирок этган ҳамюртларимизни тантанали кутиб олиш маросими бўлди.

Ҳамюртларимиз тенгдошлари билан спортнинг шахмат, сузиш ва бадиий гимнастика спорт турлари бўйича беллашдилар.

Шахмат бўйича бўлиб ўтган мусобақаларда ёш спортчиларимиз - Умида Омонова (Сурхондарё), Даврон Шарипов (Қашқадарё), Муҳиддин Мадаминов (Тошкент), Артемий Макаркин (Тошкент) ватанимиз шарафини муносиб ҳимоя қилишди ва умумжамоа ҳисобида 1-ўринни эгаллашди.