Ўзбекистон дзюдо федерациясида тадбир ўтказилди ФОТОГАЛЕРЕЯ

Маълумки, Ўзбекистон Миллий олимпия қўмитаси вице-президенти, Ўзбекистон дзюдо федерацияси раиси Азизжон Камилов бир неча кун аввал Рим шаҳрида Италия яккакураш спорт турлари (FILJKAM) ва дзюдо федерациялари президенти Доменико Фалькони, Италия кураш (ўзбек кураши) федерацияси президенти Витторио Жоржи ва бошқа спорт мутасаддилари билан учрашган эди. 

Ўзбекистоннинг Италиядаги фавқулотда ва мухтор элчиси Отабек Акбаров ёрдамида ташкил этилган ўша тадбир якунида Азизжон Камилов жаноб Жоржини Ўзбекистонга таклиф қилганди. Куни кеча Виторрио Тошкентга етиб келди.

Кеча айнан Витторио Жоржи иштирокида тадбир ўтказилди. Унда италиялик меҳмондан ташқари япониялик таниқли мураббий, халқаро йўриқчи (инструктор) Тому Тори ҳам иштирок этди. Бу мутахассис мана бир неча кундирки, юртимиз дзюдочилари билан машғулот ўтказяпти. Кеча у дзюдочилар ва парадзюдочилар учун “мастер класс”, яъни маҳорат сабоқларҳорат сабоқларини ўтказди. 

Шунингдек, тадбирда Ўзбекистон Паралимпия ассоциацияси раиси Мухторхон Ташходжаев ҳамда Япония элчихонасининг юртимиздаги вақтинчалик ишончли вакили Астуши Суда ҳам иштирок этди. Меҳмонлар тадбир ташкилотчилари ҳамроҳлигида Ўзбекистон дзюдо федерацияси ҳамда янги бунёд этилган дзюдо залини томоша қилишди. 

Суратлар муаллифи - Абдулло Файзуллаев