Ўзбекистон эркаклар терма жамоаси Осиё чемпионатини 8 та олтин медаль билан якунлади

Бугун мусобақанинг сўнгги кунида эркаклар ўртасидаги финал беллашувлари бўлиб ўтди. Вакилларимиз финалга 10 нафар боксчи билан етиб келганди. Уларнинг 8 нафари ғалабага эришган бўлса, 2 нафар ҳамюртимиз имкониятни бой бериб, юртимизга кумуш медаль билан қайтадиган бўлди. 

Ўзбекистон эркаклар терма жамоаси мусобақа якунига кўра, 8 та олтин, 2 та кумуш ва 1 та бронза медали билан умумжамоа ҳисобида биринчи ўринни қўлга киритди. 

Ғолиб ва совриндорларимиз рўйхати билан танишинг:

Олтин:

-48 кг: Шодиёржон Мелиқўзиев

-51 кг: Асилбек Жалилов

-57 кг: Миразизбек Мирзахалилов

-63,5 кг: Адҳамжон Муҳиддинов

-67 кг: Мужибилло Турсунов

-71 кг: Ҳавасбек Асадуллаев

-75 кг: Жавоҳир Умматалиев

-80 кг: Тўрабек Ҳабибуллаев

Кумуш:

-54 кг: Шаҳзод Музафаров

-86 кг: Жасурбек Йўлдошев

Бронза:

+92 кг: Жаҳонгир Зокиров.

Эркаклар ўртасидаги баҳсларда Қозоғистон терма жамоаси 4 та олтин, Тожикистон терма жамоаси эса 1 та олтин медаль билан кучли учликни ташкил этишди.