10 июл 07:44
Янгиликлар

Триатлон

Ўзбекистон франциялик триатлончини маҳаллийлаштирди + ФОТО

Триатлон бўйича кўплаб халқаро турнирлар ғолиб ва совриндори, Франция чемпионати кумуш медали соҳиби Жереми Куиндос эндиликда Ўзбекистон шарафини ҳимоя қилади.

У Ўзбекистон терма жамоаси учун ўзининг илк мусобақасида ҳам иштирок этиб улгурди. Куиндос 6 июль куни Қозоғистоннинг Кокшетау шаҳрида бўлиб ўтган Осиё кубогида Ўзбекистон терма жамоаси таркибида қатнашиб, олтин медални қўлга киритди.

Жереми Куиндос 2011-2023 йиллар давомида Франция терма жамоаси аъзоси сифатида бир қанча мусобақаларда иштирок этиб, ғолиб ва совриндорлар сафидан жой олган. 33 ёшли спортчи жаҳон триатлон рейтингида 341-ўринни эгаллаб турган бўлса, Осиё қитъасининг янгиланган рейтингида 45-ўринга жойлашди.