Ўзбекистон гандбол федерациясида 2019 йил сарҳисоб қилинди

Унда гандбол федерациясининг барча ҳудудий бўлимлари раҳбарлари, эркаклар ва аёллар миллий терма жамоаларининг мураббийлари ҳамда спорт фахрийлари иштирок этишди.

Йиғилишда дастлаб гандбол спортини ривожлантириш борасида 2019 йилда амалга оширилган ишлар ҳисоботи тингланди. Шунингдек, йиғилишда 2020 йилги спорт мавсумида Ўзбекистон чемпионати ва кубоги мусобақаларида иштирок этиш, мусобақаларни ўтказиш регламентини тасдиқлаш, Халқаро мусобақаларга тайёргарлик кўриш ва иштирок этиш ҳамда олдинда қилинадиган ишлар юзасидан ўзаро фикр алмашилди.

Йиғилиш якунида эса 2019 йил давомида Ўзбекистонда гандболни ривожлантириш йўлида муносиб ҳисса қўшган мураббийлар, ҳакамлар ва худудий федерациялар ходимлари фахрий ёрлиқ ва эсдалик совғалари билан тақдирланишди.