Ўзбекистон жамоаси Покистонда етакчи крикет жамоаларига қарши ўйнайди + ФОТО

Ўзбекистон ва Покистон давлатлари ўртасидаги дипломатик алоқаларнинг 30 йиллиги муносабати билан 27 февраль - 5 март кунлари мамлакатимизнинг крикет спорт тури бўйича етакчи жамоаси бўлган Тошкентнинг “Анфа” клуби ўсмирлар ва катталардан иборат жамоаси Покистоннинг Исломобод шаҳридаги “Пинди” стадионида  мазкур давлатнинг етакчи крикет жамоаларига қарши ўртоқлик ўйинларида иштирок этишади.

Маълум қилинишича, Ўзбекистон крикет федерацияси раиси Азиз Михлиев раҳбарлигидаги крикетчиларимиздан иборат делегация ҳозирда Исломобод шаҳрига етиб бориб, ўйинларга тайёргарлик кўрмоқда. Шунингдек, ўртоқлик уйинлари доирасида “Анфа” крикет клуби жамоаси Покистон крикет жамаолари ҳамкорлигида ўқув-машғулот йиғинлари ҳам ўтказади. 

Ўртоқлик ўйинлари тафсилотлари билан кейинги чиқишларимизда батафсил таништириб ўтамиз.

Илҳом РАҲМОНОВ тайёрлади