Ўзбекистон жиу-житсу федерациясининг ҳисобот-сайлов конференцияси бўлиб ўтди

Йиғилиш давомида бир қатор ташкилий масалалар муҳокама қилинди. Шунингдек, федерацияга янги раҳбар сайлаш кун тартибидаги асосий масала бўлди.

Тадбирда ҳудудлардан ташриф буюрган делегатлар, федерация мутиасаддилари, спортчи ва мураббийлар иштирок этишди.

Конференция давомида ташкилотга Камилов Иқбол Ҳасанович раис этиб сайланди. 

Набиев Ғайрат Абдуллаевич эса бош котиб сифатида фаолиятини давом эттирадиган бўлди. Риза Сафаров, Суҳроб Усманов ва Рустам Агалиев раис ўринбосарлари лавозимига сайланишди. 

Шунингдек, тадбир давомида федерациянинг Аичи-Нагоя-2026 Осиё ўйинларига тайёргарлик режаси батафсил кўриб чиқилди. Шунингдек, "Fighting" va "Contact" дастурларида спортчиларимизнинг имкониятлари муҳокама қилинди. 

Бундан ташқари, конференция давомида федерациянинг истиқболдаги режалари ҳам муҳокама қилинди. Чунончи, мамлакатимизнинг эркаклар ва аёллар терма жамоаларининг 2026 йили Япония давлатининг Айти-Нагоя шаҳрида ўтказиладиган ХХ-ёзги Осиё ўйинлари ўйинларига тайёргарлик дастури ўрганилди.

Бунинг баробарида, спортнинг жиу-житсу турини оммавийлигини янада ошириш, бу борада селекция тизимини такомиллаштириш сингари кўплаб масалалар юзасидан мутахассисларнинг фикр ва мулоҳазалари тингланиб, шулар бўйича чора-тадбирлар белгиланди.

Конференция кун тартибига кўра, Ўзбекистон жиу-житсу федерациясининг янги таҳрирдаги устави ҳам тасдиқланди.